کابینہ کی اقتصادی رابطہ کمیٹی نے سال دو ہزار بیس اکیس کیلئے گندم کی نظرثانی شدہ کم از کم امدادی قیمت اٹھارہ سو روپے فی من مقرر کرنے کی منظوری دی ہے۔

وزیر خزانہ حماد اظہر کی زیر صدارت کابینہ کمیٹی کے اجلاس میں گندم کی خریداری کے اہداف سمیت صارفین کی ضروریات پوری کرنے اور تذویراتی ذخائر کیلئے تیس لاکھ میٹرک ٹن گندم درآمد کرنے کی بھی منظوری دی گئی۔کمیٹی نے رواں سال جون تک زمینی اور سمندری راستوں کے ذریعے بھارت سے پانچ لاکھ میٹرک ٹن تک سفید چینی درآمد کرنے کی منظوری دی۔ای سی سی نے پاکستان منرل ڈویلپمنٹ کارپوریشن کے ساتھ جغرافیائی علامت کے طور پر پاکستان کے گلابی چٹان نمک کی رجسٹریشن کی بھی منظوری دی۔