نائب وزیراعظم اسحاق ڈار نے ملائیشیا کے وزیرخارجہ حاجی محمد بن حاجی حسن سے ٹیلی فون پر گفتگو کی۔
اسحاق ڈار نے ملائیشیا میں حالیہ سیلاب اور طوفانی بارشوں کے نتیجے میں ہونے والے جانی و مالی نقصان پر گہری ہمدردی کا اظہار کیا۔
انہوں نے مشکل کی اس گھڑی میں ملائیشیاء کے عوام کے ساتھ یکجہتی اور ملائیشیاء کو فوری انسانی امداد کی فراہمی کے حوالے سے پاکستان کے عزم کا اظہار کیا۔
دونوں وزراء نے دونوں ممالک کے قدرتی آفات سے بچاؤ کے اداروں کے درمیان پاکستان سے انسانی امداد کے حوالے سے بات چیت پر اتفاق کیا۔
