گورنر سندھ کامران خان ٹیسوری نے دوہزار پچیس کے دوران پانچ لاکھ نوجوانوں کو مفت جدید آئی ٹی کورسز کرانے کا اعلان کیا ہے۔
انہوں نے گورنر ہائوس کراچی میں ایک تقریب سے خطاب کرتے ہوئے کہا کہ گورنر کے اقدام کے تحت صوبے کے عوام کو مزید مواقع مہیا کئے جائیں گے۔
گورنر نے کہا کہ گزشتہ سال مستحق افراد میں راشن کے نو لاکھ تھیلے تقسیم کئے گئے اور آئی ٹی کورسز میں پچاس ہزار نوجوانوں کو داخلہ دیا گیا۔
انہوں نے کہا کہ سال دوہزار پچیس میں روزگار کے مواقع پیدا کئے جائینگے۔ پینے کے صاف پانی ،سستی بجلی کی فراہمی اور صفائی ستھرائی کو یقینی بنایا جائے گا۔
