وزیر خارجہ شاہ محمود قریشی نے عالمی برادری پر زور دیا ہے کہ وہ انسانی ضرورت سے نمٹنے اور اقتصادی استحکام میں تعاون کے لئے افغان عوام کے ساتھ یکجہتی کا مظاہرہ کریں۔

وہ اپنے آسٹریا کے ہم منصب الیگزینڈر Schallemberg سے ٹیلی فون پر گفتگو کر رہے تھے۔وزیر خارجہ نے سکیورٹی کی صورتحال مستحکم کرنے، امن بحال رکھنے اور افغان مہاجرین کی ممکنہ ہجرت کی صورتحال سے نمٹنے کیلئے ٹھوس اقدامات کرنے کی ضرورت پر زور دیا۔پاکستانی نقطہ نظر کا ذکر کرتے ہوئے شاہ محمود قریشی نے پرامن اور مستحکم افغانستان کی اہمیت پر زور دیا اور افغانوں کے تحفظ اور سلامتی کیلئے افغان عملے کے مشترکہ سیاسی حل پر زور دیا۔انہوں نے کہا کہ افغانستان میں چالیس سال سے جاری تبادلے کے حل کیلئے یہ ایک تاریخی موقع ہے اور اس وقت بین الاقوامی برادری کو مثبت پیغام اور تعمیری سوچ کے ساتھ اس موقع کا فائدہ اٹھاتے ہوئے اپنا کردار ادا کرنا چاہئے۔دونوں وزرائے خارجہ نے حالیہ باہمی ملاقاتوں اور رابطوں پر اطمینان کا اظہار کرتے ہوئے دونوں ملکوں کے مابین تمام شعبوں میں رابطوں اور تعاون کو مزید فروغ دینے کے عزم کا اعلان کیاآسٹریا کی وزیر خارجہ نے افغانستان سے آسٹریا کے باشندوں اور دوسرے لوگوں کو نکالنے میں مدد پر پاکستان کا شکریہ ادا کیا۔