پنجاب حکومت نے کوڑا کرکٹ ٹھکانے لگانے کیلئے ایک بڑا منصوبہ تیار کیا ہے۔ وزیراعلی پنجاب مریم نواز نے لاہور میں ایک اجلاس کی صدارت کرتے ہوئے بلدیات کے صوبائی وزیر ذیشان رفیق کو ہدایت کی کہ ٹھیکے کے عمل میں شفافیت کو یقینی بنایا جائے۔ انہوں نے کہا کہ صفائی کے حوالے سے احکامات پر بھی عملدرآمد یقینی بنایا جائے اور اس ضمن میں کوئی کوتاہی برداشت نہیں کی جائے گی۔ اجلاس کے دوران پورے صوبے میں منصوبے پر عملدرآمدکے حوالے سے معاملات زیربحث آئے۔