سندھ حکومت شمسی توانائی منصوبے کے تحت دولاکھ گھرانوں کو سولر پینل فراہم کرے گی۔
یہ بات سندھ کے وزیراعلیٰ مراد علی شاہ نے کراچی میں ایک نیوز کانفرنس میں اظہار خیال کرتے ہوئے کہی۔
انہوں نے کہا کہ اس اقدام سے بجلی کے جاری بحران اور بلوں کے مسئلے سے نمٹنے میں مدد ملے گی۔
ماحول دوست توانائی کی جانب ایک قدم کے طور پر شمسی توانائی منصوبہ عالمی بینک کے تعاون سے شروع کیا جائے گا۔
وزٰراعلیٰ نے کہا کہ اس اہم منصوبے کے تحت تمام سرکاری عمارتوں کو شمسی توانائی پر منتقل کیا جائے گا۔
انہوں نے کہا کہ اس منصوبے سے نہ صرف اخراجات بلکہ کاربن کے اخراج میں بھی کمی لانے میں مدد ملے گی۔
