سندھ حکومت اور بینظیر انکم سپورٹ پروگرام نے صوبے میں نوجوانوں کو فنی اور پیشہ ورانہ تعلیم فراہم کرنے کے لئے مل کر کام کرنے پر اتفاق کیا ہے۔
یہ اتفاق بی آئی ایس پی کی چیئرپرسن روبینہ خالد اور سندھ کے وزیر تعلیم سید سردار علی شاہ کے درمیان کراچی میں ملاقات کے دوران ہوا۔
بی آئی ایس پی کی چیئرپرسن نے مارکیٹ کی طلب کے مطابق نوجوانوں کو متعلقہ تکنیکی مہارتوں سے آراستہ کرنے کے لئے مشترکہ طور پر کام کرنے پر زور دیا۔
انہوں نے کہا کہ بی آئی ایس پی کے تحت صوبے میں تقریباً پچیس لاکھ بچوں کو تعلیمی وظائف فراہم کیے جا رہے ہیں۔
