سندھ کے سینئر وزیرشرجیل انعام میمن نے بجلی سے چلنے والی بسیں تیار کرنے والی کمپنی کے حکام سے بدھ کے روز بیجنگ میں ملاقات کی اور کمپنی کو کراچی میں الیکٹرک بسیں تیار کرنے کا پلانٹ لگانے کی دعوت دی ۔

انہوں نے اس موقع پر گفتگو کرتے ہوئے کہاکہ سندھ حکومت سرمایہ کاروں کو ٹیکس استثنی زمین کی فراہمی اورریگولیٹری عمل کو آسان بنانے سمیت تمام سہولیات فراہم کرے گی۔

انہوں نے کہاکہ سندھ حکومت صوبے کے ٹرانسپورٹ نظام کو جدید خطوط پر استوار کرنے کیلئے پرعزم ہے اورکاربن کا اخراج کم کرنے کیلئے بھی اقدامات کیئے جارہے ہیں۔

چینی ای وی بس کمپنی کے حکام نے سندھ کے وزیر ٹرانسپورٹ کی دعوت کا خیرمقدم کیا اور صوبے میں سرمایہ کاری کے مواقع میں دلچسپی کا اظہارکیا ۔