ریلوے کے وزیرمملکت بلال اظہر کیانی نے کہا ہے کہ بجلی کی قیمتوں میں کمی عوام کو ریلیف فراہم کرنے کے لئے حکومتی عزم کی عکاسی کرتی ہے۔

انہوں نے دینہ میں ایک عوامی اجتماعی سے خطاب کرتے ہوئے کہا کہ آنے والے مہینوں میںبجلی کی قیمتوںمیں مزید کمی متوقع ہے۔

بلال کیانی نے کہاکہ سرکاری فنڈز کی بچت کے لئے بجلی کی پیداوار نہ کرنے والے بجلی گھروں کو بند کر دیا گیاہے۔

انہوں نے کہاکہ حکومت بجلی کی اوپن مارکیٹ کے قیام اور بجلی چوروں کے خلاف کارروائی سمیت مزید اصلاحات کی منصوبہ بندی کر رہی ہے۔