وفاقی وزیر منصوبہ بندی احسن اقبال نے اسلام آباد میں جناح میڈیکل کمپلیکس کے ڈیزائن کو جلد حتمی شکل دینے کی ہدایت کی ہے۔
وہ آج(منگل کو) اسلام آباد میں منصوبے پر پیش رفت کا جائزہ لینے کیلئے اجلاس کی صدارت کررہے تھے۔
احسن اقبال نے کہا یہ منصوبہ صحت کے شعبے میں ایک انقلابی قدم ہے' جس کا مقصد تحقیق اور ترقی میں ایک اہم سنگ میل عبور کرتے ہوئے عوام کو اعلیٰ معیار کی صحت کی سہولیات فراہم کرنا ہے۔
