انفارمیشن ٹیکنالوجی اورٹیلی مواصلات کی وزیرمملکت شزہ فاطمہ خواجہ نے قومی ترقی کے لئے سیٹلائٹ ٹیکنالوجی کی مکمل صلاحیت سے استفادہ کرنے کے لئے پاکستان کی پالیسیوں کو عالمی معیارکے ساتھ ہم آہنگ کرنے
کی ضرورت پرزوردیاہے۔
وہ اسلام آباد میں سٹار لنک کے لائسنسنگ اور لوارتھ آربٹ کے لئے ریگولیٹری لائحہ عمل پرپیشرفت کے جائزہ اجلاس کی صدارت کررہی تھیں۔
اجلاس میں فیصلہ کیاگیاکہ ضابطوں کے لئے کنسلٹنٹ کی تقرری چندہفتوں میں مکمل کرلی جائے گی۔
ایل ای اوسیٹلائٹس کے لئے ایک مضبوط ریگولیٹری لائحہ عمل کو یقینی بنانے اورروابط اورتکنیکی جدت کوفروغ دینے کے لئے اس عمل کوتیز کرنے پربھی بات چیت کی گئی۔
