ایشین کرکٹ کونسل کے زیراہتمام انیس سال سے کم عمر کھلاڑیوں کا ایشیا کپ آج دبئی میں شروع ہو رہا ہے۔ٹورنامنٹ کا پہلا میچ آج بھارت اور افغانستان کے درمیان کھیلا جا رہا ہے جبکہ دوسرے میچ میں پاکستان اور نیپال مدمقابل ہوںگے۔دونوں میچ پاکستان کے معیاری وقت کے مطابق دن ساڑھے دس بجے شروع ہوںگے۔ٹورنامنٹ میں کل آٹھ ٹیمیں حصہ لے رہی ہیں جن میں پاکستان، بھارت، افغانستان، بنگلہ دیش، جاپان، نیپال، سری لنکا اور متحدہ عرب امارات شامل ہیں۔ٹورنامنٹ کے سیمی فائنلز اگلے جمعے کو جبکہ فائنل میچ اس ماہ کی سترہ تاریخ کو کھیلا جائے گا۔