وزیرِاعظم محمد شہباز شریف نے بلاول بھٹو زرداری اور پاکستان پیپلزپارٹی کے رہنماؤں کے اعزاز میں وزیراعظم ہاوس میں افطار اور عشائیے کا اہتمام کیا۔
بلاول بھٹو زرداری کی قیادت میں پیپلزپارٹی کے وفد نے وزیراعظم محمد شہباز شریف سے ملاقات کی۔
ملاقات کے موقع پر وفد نے وزیرِاعظم شہباز شریف کی قیادت میں حکومت پر مکمل اعتماد کا اظہار کیا۔
وزیراعظم نے عوامی امنگوں پر پورا اترنے اور وفاقی حکومت کے ساتھ تعاون سے عام آدمی کی زندگی بہتر بنانے کیلئے فعال اور متحرک کردار ادا کرنے پر پیپلز پارٹی کی قیادت کو سراہا۔
وفد سے گفتگو کرتے ہوئے وزیراعظم نے کہا کہ ملک کا مستقبل بہتر بنانے کے لیے وفاق، صوبوں اور تمام سیاسی جماعتوں کو مل کر کام کرنا ہے۔
شرکاء نے وزیراعظم کی قیادت میں حکومت کی معاشی پالیسیوں اور ملک میں حالیہ معاشی استحکام پر وزیرِ اعظم اور انکی ٹیم کی انتھک کوششوں کو خراج تحسین پیش کیا.
وفد نے محمد شہباز شریف کی قیادت میں حکومت پر مکمل اعتماد کا اظہار کرتے ہوئے ملکی معیشت کی ترقی کیلئے اپنے بھرپور تعاون کے عزم کا اعادہ کیا۔
شرکاء نے کہا کہ پاکستان پیپلز پارٹی حکومت کے ملکی ترقی و معاشی استحکام اور عام آدمی کی زندگی کو بہتر بنانے کیلئے ہر اقدام میں حکومت کو مکمل تعاون فراہم کرے گی۔
پیپلزپارٹی رہنماوں نے حکومتی امور میں اتحادیوں سے مشاورت اور اعتماد میں لینے کے اقدام پر وزیرِ اعظم کا شکریہ ادا کیا۔
