صنعتوں اور پیداوار کے وزیر رانا تنویر حسین نے یقین دلایا ہے کہ وفاقی حکومت خیبرپختونخوا کے تمام مسائل ترجیحی بنیادوں پر حل کرنے کے لئے پرعزم ہے۔

انہوں نے آج (پیر) کو اسلام آباد میں خیبرپختونخوا کے گورنر فیصل کریم کنڈی سے گفتگو کرتے ہوہے کہا کہ وفاقی حکومت معاشی اور امن و امان کے مسائل کے حل کے لئے خیبرپختونخوا کو ہرممکن مدد فراہم کریگی۔

گورنر نے اس موقع پر کہا کہ زراعت اور صنعت کی ترقی میں کارکردگی بہتر بنا کر عوامی مسائل حل کرنا ہوںگے۔

ملاقات کے دوران باہمی دلچسپی کے امور اور خیبرپحتونخوا میں زرعی اور صنعتی ترقی پر تبادلہ خیال کیا گیا۔