نادرا نے پاکستان کا پہلا "ڈی میٹریلائزڈ ڈیجیٹل شناختی کارڈ"متعارف کرایا ہے۔

یہ اجراء اسلام آباد میں منعقدہ نادرا کی سلور جوبلی تقریب کے دوران کیا گیا۔

اپنے تحریری پیغام میں وفاقی وزیر اخلہ سید محسن رضا نقوی نے پاکستان کے پہلے ڈی میٹریلائزڈ ڈیجیٹل شناختی کارڈ کے اجرا کو ڈیجیٹل شناخت کی تبدیلی کی جانب ایک اہم قدم قرار دیا۔

انہوں نے اعلان کیا کہ اس فیچر کو پاک آئی ڈی موبائل ایپ میں ضم کرنے کے بعد شہری اپنے شناختی کارڈ اپنے اسمارٹ فونز میں محفوظ کر سکیں گے۔

ادھر جلد ہی ایک ڈیجیٹل تصدیقی نظام متعارف کرایا جائے گا جو مختلف خدمات کے لئے محفوظ اور فوری تصدیق کی سہولت فراہم کرے گا۔

اس اقدام کاپہلا مرحلہ رواں سال یوم آزادی سے شروع ہوگا۔

تقریب میں اسٹیٹ بینک آف پاکستان کی جانب سے ایک یادگاری سکے کااجرائ، پاکستان پوسٹ کی جانب سے ایک خصوصی ڈاک ٹکٹ اور نادرا کے 25سالہ سفر پرمشتمل ایک کتاب بھی پیش کی گئی۔