فائل فوٹو
سینیٹ کو آج بتایا گیا کہ حکومت ملک میں انٹرنیٹ کی بلاتعطل دستیابی یقینی بنانے کے لئے اقدامات کر رہی ہے۔
انفارمیشن ٹیکنالوجی کی وزیر مملکت شزہ فاطمہ خواجہ نے وقفہ سوالات کے دوران ایک سوال کے جواب میں کہا کہ زیرسمندر کیبل کو نقصان پہنچا ہے اور اسے آئندہ ماہ کے آخر تک مکمل طور پر فعال کر دیا جائے گا۔
انہوں نے کہا کہ حکومت تیزرفتار انٹرنیٹ فراہم کرنے کیلئے پرعزم ہے جو آئی ٹی برآمدات میں اضافے کیلئے ناگزیر ہے۔
وزیر مملکت نے ایک اور سوال کے جواب میں کہا کہ آن لائن دھوکہ دہی اور فراڈ کی روک تھام کے لئے بھی اقدامات کئے جا رہے ہیں۔
