دفتر خارجہ نے بھارت اور امریکہ کے مشترکہ اعلامیے میں پاکستان کا خصوصی حوالہ دیے جانے کو یکطرفہ ، گمراہ کن اور سفارتی اقدار کے منافی قرار دیا ہے۔
دفتر خارجہ کے ترجمان شفقت علی خان نے آج(جمعہ) اسلام آباد میں ہفتہ وار میڈیا بریفنگ کے دوران بتایا کہ اس سے خطے اور دوسرے ملکوں میں بھارت کی پشت پناہی میں ہونے والی دہشت گردی و تخریب کاری اور ماورائے عدالت قتل کے واقعات کی پردہ پوشی نہیں کی جاسکتی۔
