صدر آصف علی زرداری اور وزیر اعظم شہباز شریف نے خیبرپختونخوا میں کامیاب آپریشن میں تیرہ دہشت گردوں کو ہلاک کرنے پر سیکورٹی فورسز کو خراج تحسین پیش کیا ہے۔

انہوں نے اپنے الگ الگ پیغامات میں سیکورٹی فورسز کی طرف سے کی جانے والی کامیاب کارروائیوں کو سراہا۔صدر نے فتنہ الخوارج کے مکمل خاتمے کے عزم کا اعادہ کیا۔انہوں نے کہا سیکورٹی فورسز دہشت گردی کی لعنت ختم کرنے کیلئے کارروائیاں کر رہی ہیں۔وزیراعظم نے کہا کہ ملک سے دہشت گردی کے مکمل خاتمے تک اس لعنت کے خلاف جنگ جاری رہے گی۔