سندھ کابینہ نے کراچی کے وسطی ضلع میں چھ سو بارہ ایکڑ رقبے پر ایک سو بیس میگا واٹ کا سولر پارک بنانے کی منظوری دی ہے۔

سینئر صوبائی وزیر شرجیل انعام میمن نے کراچی میں کابینہ کے اجلاس کے بعد ایک نیوز کانفرنس سے خطاب کرتے ہوئے کہا کہ کابینہ نے ضلع جامشورو کے علاقے MANJHANDH میں دو سو

پچاس ایکڑ رقبے پر پانچ سو میگاواٹ کا سولر پارک قائم کرنے کی بھی منظوری دی ہے۔

اجلاس کے دوران سندھ الیکٹرک پاور ریگولیٹری اتھارٹی کے قیام کی بھی منظوری دی گئی ہے۔

شرجیل انعام میمن نے کہا کہ سندھ حکومت توانائی کے حالیہ بحران کو حل کرنے کیلئے اپنا کلیدی کردار ادا کرے گی۔