امریکہ میں نیویارک میں اقوام متحدہ کی جنرل اسمبلی کے اعلیٰ سطح کے اجلاس سے پہلے ہزاروں مظاہرین نے موسمیاتی تبدیلی کے ہفتے کاآغاز کیاہے جس کے دوران عالمی رہنمائوں پرزوردیاجائے گا کہ توانائی کے حصول کے لئے کوئلے اورتیل کے روایتی ذرائع کااستعمال ترک کیاجائے۔یہ مظاہرہ ماحولیاتی تبدیلی کی روک تھام کے لئے کام کرنے والے گروپوں کی بین الاقوامی مہم کا حصہ ہے تاکہ ماحولیاتی تبدیلی کے منفی اثرات اورعالمی درجہ حرارت میں اضافے کو روکا جاسکے۔مہم کے تحت امریکہ، جرمنی، انگلینڈ ، جنوبی کوریا اوربھارت میں پانچ سوسے زائد مظاہرے کئے جائیںگے۔