سعوی عرب کے سفیر نواف بن سعید المالکی نے کہا ہے کہ پاکستان اور سعودی عرب اپنے باہمی تعلقات کو نئی بلندیوں تک لے کر جائیں گے۔
یہ بات اُنہوں نے کشمیر کے بارے میں پارلیمانی کمیٹی کے چیئرمین شہریار خان آفریدی سے منگل کے روز اسلام آباد میں ملاقات کے موقع پر کہی۔ملاقات کے دوران باہمی دلچسپی کے امور پر بھی تبادلہ خیال ہوا۔شہریار آفریدی نے وباء کے اس دور میں سعودی عرب کی جانب سے وہاں رہنے والے پاکستانیوں کا خیال رکھنے پر سعودی عرب کے کردار کو سراہا۔
