نگران وزیر مذہبی اُمور انیق احمد نے کہا ہے کہ حکومت ملک میں غیر ملکی سرمایہ کاری لانے کی کوششیں کر رہی ہے۔

کراچی میں ایک بزنس فورم سے خطاب کرتے ہوئے انہوں نے کہا کہ تاجر برادری کو ملکی معیشت میں ریڑھ کی ہڈی کی حیثیت حاصل ہے اور ملٹی نیشنل کمپنیاں ملک میں زیادہ ٹیکس ادا کر رہی ہیں۔

انیق احمد نے کہا کہ حکومت حج کے کرایوں میں مزید کمی کی کوشش کر رہی ہے تاکہ عوام کو سہولت فراہم کی جا سکے۔

انہوں نے کہا کہ تقریباً 90 ہزار عازمین حج کو مفت انٹرنیٹ پیکجز کے ساتھ موبائل سمیں دی جائیں گی۔

انہوں نے کہا کہ حکومت پاکستانی خواتین عازمین حج کو عبایہ بھی فراہم کرے گی جس کے سر کے پیچھے پاکستانی جھنڈا ہو گا تاکہ بآسانی شناخت ہو سکے۔