غیر قانونی طور پر مقیم غیر ملکی شہریوں اور افغان سٹیزن کارڈ ہولڈرز کے ملک سے انخلاء کا سلسلہ جاری ہے۔

گزشتہ روز تین سو ستاسی غیر قانونی افغان شہریوں کو ان کے وطن واپس بھیجا گیا۔پاکستان چھوڑنے والے غیر قانونی افغان شہریوں کی مجموعی تعداد اب نو لاکھ اناسی ہزار چار سو چھیاسی ہوگئی ہے۔حکومت غیر قانونی طور پر مقیم غیر ملکی شہریوں اور افغان سٹیزن کارڈ ہولڈرز کی باوقار وطن واپسی یقینی بنا رہی ہے۔