لاہور جنرل ہسپتال پاکستان کا پہلا سرکاری ہسپتال بن گیا ہے جہاں چھاتی کے سرطان کی تشخیص اور موروثی بیماریوں کی نشاندہی کے لئے ٹیسٹ کئے جا رہے ہیں۔
یہ اعلان امیر الدین میڈیکل کالج کے پرنسپل پروفیسر ڈاکٹر الفرید ظفر نے لاہور میں پریس کانفرنس کے دوران کیا۔
انہوں نے کہا کہ ٹیسٹ ان خواتین کے لئے بہت مفید ہیں جن کی چھاتی کے سرطان کی خاندانی تاریخ ہے۔پروفیسر ڈاکٹر الفرید ظفر نے پاکستان میں چھاتی کے سرطان کے مریضوں میں اضافے کو اجاگر کرتے ہوئے ان مذہبی اور ثقافتی پہلوؤںکا ذکر کیا جن کی وجہ سے خواتین کھل کر مرض کی علامات بتانے سے
گریز کرتی ہیں۔
انہوں نے خواتین پر زور دیا کہ اگر ان میں سوجن اور درد کی علامات ظاہر ہوں تو وہ فوری طور پر ڈاکٹر سے رجوع کریں۔ انہوں نے کہا کہ جس قدر جلد مرض کی تشخیص ہو گی اسی قدر ہی علاج کا بہتر نتیجہ نکل سکتا ہے۔
