سمندر پار پاکستانیوں اور انسانی وسائل کی ترقی کے وزیر چوہدری سالک حسین نے جاپانی کمپنیوں کوعالمی منڈی کی ضرورت کے مطابق افرادی قوت کو تربیت فراہم کرنے کی دعوت دی ہے۔
جاپانی سفیر اکاماتسو شوچی سے اسلام آباد میں ملاقات کے دوران انہوں نے کہا کہ پاکستان اور جاپان طویل عرصے سے اقتصادی شراکت دار ہیں۔
وفاقی وزیر نے کہا کہ پاکستان اپنے افرادی قوت کی تربیت کیلئے جاپان کی مہارت کاخواہاں ہے۔
وفاقی وزیر نے تکنیکی معاونت میں تعاون کی ضرورت پر زور دیا اور نوجوان نسل کو جاپانی مارکیٹ کے مطابق مہارتوں سے آراستہ کرنے کے لئے پاکستان میں مشترکہ ٹیکنیکل کالج شروع کرنے کی تجویز دی۔
