کانگریس کے سینئر رہنما اور بھارت کے غیرقانونی زیر قبضہ جموں وکشمیر کے سابق وزیراعلی غلام نبی آزاد نے کہا ہے کہ بھارتی وزیراعظم نریندر مودی کی جانب سے جمعرات کو بلائی گئی مقبوضہ علاقے کی قیادت کے ساتھ آل پارٹیز کانفرنس میں ریاستی حیثیت کی مکمل بحالی سرفہرست ایجنڈا ہوگا۔سری نگر میں صحافیوں سے گفتگو کرتے ہوئے کانگریس کے رہنما نے کہاکہ کانفرنس میں آرٹیکل 370 پر بات چیت کے حوالے سے وہ جموں وکشمیر کے پارٹی رہنمائوں سے مشاورت کررہے ہیں ۔ادھر ذرائع کاکہنا ہے کہ کانگریس کے جموں وکشمیر پلاننگ گروپ کا آج اجلاس ہوگا جس میں آل پارٹیز کانفرنس کیلئے پارٹی کے موقف کوحتمی شکل دی جائے گی ۔