سری لنکا کے شہر دمبولا میں آج خواتین کے ایشیا کپ کرکٹ ٹورنامنٹ میں پاکستان نے متحدہ عرب امارات کو دس وکٹوں سے ہرا دیا۔ متحدہ عرب امارات نے پہلے بیٹنگ کرتے ہوئے مقررہ بیس اوورز میں آٹھ وکٹوں کے نقصان پر ایک سو تین رنز بنائے۔
جواب میں پاکستان کی خواتین کرکٹ ٹیم نے مطلوبہ ہدف چودہ اعشاریہ ایک اوورزمیں بغیر کسی نقصان کے حاصل کرلیا۔
پاکستانی اوپنر گل فیروزہ نے پچپن گیندوں پر باسٹھ رنز بناکر جیت میں کلیدی کردار ادا کیا او ر انہیں میچ کی بہترین کھلاڑی قرار دیا گیا۔
ٹورنامنٹ کے ایک اور میچ میں آج شام ساڑھے چھ بجے اسی مقام پر بھارت کی خواتین ٹیم کا مقابلہ نیپال کی خواتین ٹیم سے ہوگا۔