آزادجموں وکشمیرکاچھہترواں یوم تاسیس کل اس عہد کی تجدید کے ساتھ منایاجائے گا کہ کشمیر کی جدوجہد آزادی اپنے منطقی انجام تک جاری رکھی جائے گی۔ مختلف سماجی ،سیاسی اورعوامی نمائندہ تنظیموں کے زیراہتمام اس دن کے حوالے سے خصوصی تقریبات منعقد ہوں گی۔اس موقع پر مقررین یوم تاسیس کی تاریخی اہمیت پرروشنی ڈالیں گے۔ کشمیر ی شہداء کے لئے فاتحہ خوانی سمیت تحریک آزادی کشمیرکی جلدکامیابی اور آزادجموں وکشمیر کی ترقی وخوشحالی کے لئے خصوصی دعائیں کی جائیں گی۔