وزیرخارجہ شاہ محمود قریشی نے کورونا کی بدترین صورتحال کے تناظر میں بھارتی عوام سے ہمدردی اور تعاون کا اظہارکیا ہے ۔آج ایک ٹویٹ میں شاہ محمود قریشی نے پاکستانی عوام کی جانب سے کورونا کی حالیہ لہر کے تناظر بھارت میں متاثرہ خاندانوں سے دلی ہمدردی کااظہار کیا ہے جو کہ ملک میں شدت اختیار کرچکی ہے ۔وزیرخارجہ نے کہاکہ کورونا وائرس کی وباء ایک اور یادہانی ہے کہ انسانی مسائل سیاسی وابستگی کو بالائے طاق رکھ کر ردعمل کے متقاضی ہیں۔انہوں نے کہاکہ پاکستان وباء سے نمٹنے کیلئے تیز تر تعاون کیلئے سارک کے رکن ملکوں کے ساتھ کام کرے گا ۔