اقوام متحدہ کے سیکرٹری جنرل انتونیو گوتریس نے فلسطین کے چودہ گروہوں کے درمیان اختلاف کے خاتمے اور اتحاد کی مضبوطی کیلئے بیجنگ میں معاہدے پر دستخط کا خیرمقدم کیا ہے۔
اقوام متحدہ کے سربراہ کے ترجمان کے مطابق سیکرٹری جنرل نے اس سمجھوتے کو فلسطینی اتحاد آگے بڑھانے کی طرف ایک اہم قدم قرارد یا ہے۔
انہوں نے کہا کہ انتو نیو گوتریس نے باہمی اختلافات بات چیت کے ذریعے کم کرنے پر تمام گروہوں کی حوصلہ افزائی کی اوران پر زور دیا کہ وہ بیجنگ معاہدے میں کئے گئے وعدوں پر کار بند رہیں۔
