آج سری لنکا کے شہر دمبولا میں خواتین کے ایشیا کپ کرکٹ ٹورنامنٹ میں بنگلہ دیش نے ملائیشیا کو ایک سو چودہ رنز سے ہرادیا ۔
بنگلہ دیش کی خواتین کرکٹ ٹیم نے پہلے بیٹنگ کرتے ہوئے مقررہ بیس اوورز میں دو وکٹوں کے نقصان پر ایک سو اکانوے رنز بنائے ۔
جواب میں ملائیشیا کی خواتین ٹیم بیس اوورز میں آٹھ وکٹوں کے نقصان پر ستتر رنز بناسکی ۔
ادھر پاکستان اور بھارت کی خواتین ٹیمیں ٹورنامنٹ کے سیمی فائنل میں پہنچ گئی ہیں۔
