گورنر سندھ محمد کامران خان ٹیسوری نے ترک سرمایہ کاروں پر زور دیا ہے کہ وہ صوبے میں سرمایہ کاری کریں اور انہیں ہر ممکن سہولیات فراہم کرنے کے عزم کا اظہار کیا ہے۔
وہ آج کراچی میں ترکی کے وزیر خارجہ ہاکان فیدان سے گفتگو کر رہے تھے۔
گورنر نے ترکی کے وزیر خارجہ سے پاک ترک دوطرفہ تعلقات، کاروباری مواقع، ثقافتی امور اور باہمی دلچسپی کے دیگر امور پر تبادلہ خیال کیا۔
اس موقع پر ترک وزیر خارجہ نے کہا کہ ترک سرمایہ کار صوبہ سندھ میں سرمایہ کاری میں دلچسپی رکھتے ہیں۔
