قدرتی آفات سے نمٹنے کے قومی ادارے نے آئندہ دو روزکے دوران پنجاب اور خیبر پختونخوا کے زیادہ تر علاقوں میں شدید بارش اور گرج چمک کے ساتھ گرد آلو د ہوائیں چلنے کا امکان ظاہر کیا ہے۔

ادارے نے ایک بیان میں کہا کہ موسلادھار بارشوں سے اسلام آباد کے نشیبی علاقوں اور پنجاب کے مختلف شہروں میں سیلاب جبکہ خیبرپختونخوا کے مختلف اضلاع کے ندی نالوں میں پانی کے بہاؤ میں اضافہ ہوسکتا ہے۔

این ڈی ایم اے نے تمام متعلقہ اداروں اور عوام پر زور دیا ہے کہ وہ ممکنہ سیلابی صورتحال سے نمٹنے کے لئے احتیاطی تدابیر اختیار کریں۔