چیف جسٹس یحییٰ آفریدی نے وکلاء کی پیشہ ورانہ تربیت کی ضرورت پر زور دیا ہے۔
ہفتہ کے روز اسلام آباد میں آزاد جموں و کشمیر سپریم کورٹ بار ایسوسی ایشن کے ایک وفد سے باتیں کرتے ہوئے انہو ں نے وکلاء کی صلاحیتوں میں اضافے کے لئے جدید تربیتی سہولیات اور آن لائن قانونی ذرائع تک مفت رسائی فراہم کرنے کی ہدایت کی۔
جسٹس یحییٰ نے فیصلہ ساز فورمز میں وکلاء کی شمولیت کی اہمیت پر بھی زور دیا تاکہ نظام انصاف کو بہتر بنانے کے لئے پالیسی فیصلوں پر موثر عملدرآمد یقینی بنایا جاسکے۔
آزاد جموں و کشمیر سپریم کورٹ بار ایسوسی ایشن نے اس موقعے پر مسئلہ کشمیر اوراس سے متعلقہ پالیسی امور کے قانونی پہلوئوں پر غور کے لئے آزاد جموں و کشمیر میں ایک عدالتی کانفرنس کی میزبانی کا اعلان کیا۔
