صدرآصف علی زرداری اوروزیراعظم شہبازشریف نے فلسطین کے عوام کے ساتھ یکجہتی کے عالمی دن پراپنے الگ الگ پیغامات میں فلسطینی عوام کے ناقابل تنسیخ حق خودارادیت اورآزاد فلسطینی ریاست کے قیام کے لئے پاکستان کی غیرمتزلزل حمایت کااعادہ کیاہے جس کادارالحکومت القدس الشریف ہو۔

انہوں نے فلسطینی عوام کے لئے فوری اورغیرمشروط جنگ بندی اوربلاتعطل انسانی امدادیقینی بنانے کے لئے بین الاقوامی برادری اورخاص طورپراقوام متحدہ کی سلامتی کونسل سے پاکستان کی اپیل کوبھی دہرایاہے۔

صدرآصف علی زرداری نے اپنے ایک پیغام کے ذریعے اسرائیل کی جارحیت کی شدیدمذمت کی ہے۔

انہوں نے فوری جنگ بندی اورفلسطینی عوام کی نسل کشی کے خاتمے کیلئے عالمی برادری کے کردارپرزوردیا۔

وزیراعظم شہبازشریف نے اپنے پیغام میں کہاہے کہ فلسطینی عوام اسرائیل کی طرف سے نہ ختم ہونے والی نسل کشی مہم کوبہادری کے ساتھ برداشت کررہے ہیں۔

انہوں نے کہا کہ اسرائیل نے مقبوضہ فلسطین میں 43ہزارسے زائدبے گناہ مردوں،عورتوں اوربچوں کوبے دردی سے شہیدکیا۔

وزیراعظم نے پاکستان کے اس عزہ کااعادہ کیاکہ وہ فلسطینی عوام کی مزاحمتی جدوجہدمیں ان کے ساتھ کھڑے ہیں۔