صحت کے بارے میں وزیر اعظم کے معاون خصوصی ڈاکٹر فیصل سلطان نے کہا ہے کہ ہیپاٹائٹس کی روک تھام اور کنٹرول کے پروگرام کو کامیاب بنایا جائے گا۔اسلام آباد میں آج ایک تقریب سے خطاب کرتے ہوئے انہوں نے کہاکہ اُن کی پوری کوشش ہو گی کہ پروگرام کیلئے ضروری فنڈزحاصل کئے جائیں۔معاون خصوصی نے کہاکہ ملک میں ہیپاٹائٹس کے پھیلائو کو روکنے کا جائزہ لینے کے لئے سروے بھی کرایا گیا ہے۔انہوں نے کہاکہ ہیپا ٹائٹس کے مریضوں کو علاج کی بہتر سہولیات کی فراہمی کیلئے کوششیں جاری ہیں۔
