وزیراعظم شہباز شریف نے کہا ہے کہ عوام کو صحت کی سہولیات فراہم کرنا حکومت کی اولین ترجیحات میں شامل ہے۔
وہ آج اسلام آباد میں جناح میڈیکل کمپلیکس اینڈ ریسرچ سینٹر کی تعمیر اور پولی کلینک کی توسیع کے دوسرے مرحلے کے حوالے سے جائزہ اجلاس کی صدارت کر رہے تھے۔
وزیراعظم نے صحت کے شعبے میں اصلاحات کا عمل مزید تیز کرنے کی بھی ہدایت کی۔
اجلاس میں مجوزہ جناح میڈیکل کمپلیکس اینڈ ریسرچ سینٹر کی تعمیر کے لیے مختلف ڈیزائن اور تجاویز پیش کی گئیں۔
