نائب وزیراعظم اسحاق ڈار نے پاسکو کو منظور شدہ کوٹے کے مطابق صوبوں کو فوری طور پر گندم فراہم کرنے کی ہدایت کی ہے۔

وہ آج اسلام آباد میں ملک میں گندم کے ذخائر کی صورتحال کا جائزہ لینے کے لیے ایک اجلاس کی صدارت کر رہے تھے۔

نائب وزیراعظم نے صوبوں کو بھی ہدایت کی کہ مختص گندم کی بروقت ادائیگیاں اور اپنے کوٹے کی گندم اٹھانے کے عمل کو یقینی بنائیں۔

اجلاس میں دس لاکھ میٹرک ٹن تک گندم درآمد کرنے کے فیصلے کا بھی اعادہ کیا گیا۔ اس سلسلے میں ٹریڈنگ کارپوریشن آف پاکستان کو فوری طور پر عمل درآمد شروع کرنے کی ہدایت کی گئی۔