Saturday, 13 April 2024, 02:33:39 am
ڈیجیٹل معیشت،آئندہ حکومت کیلئے روڈ میپ تیار
February 11, 2024

انفارمیشن ٹیکنالوجی اور ٹیلی مواصلات کے نگران وزیر ڈاکٹر عمر سیف نے کہا ہے کہ آئندہ حکومت کے لئے ڈیجیٹل معیشت کے فروغ کے لئے روڈ میپ تیار کیا گیا ہے۔

انہوں نے کراچی میں ایک اجلاس کی صدارت کرتے ہوئے اگر آئندہ حکومت آئی ٹی کے شعبے میں نگران حکومت کی جانب سے کیے گئے اقدامات کو جاری رکھتی ہے تو ملک کو اربوں ڈالر آمدن حاصل ہوسکتی ہے۔

انہوں نے کہا کہ خصوصی سرمایہ کاری سہولت کونسل فورم ملک کی ترقی کے عمل میں آئندہ منتخب حکومت کے لئے انتہائی مفید ثابت ہوا ہے۔

ڈاکٹر عمر نے آئی ٹی اور ٹیلی کام کے شعبے کو ملکی معیشت کے لئے ریڑھ کی ہڈی قرار دیا۔ انہوں نے کہا کہ گزشتہ ساٹھ روز میں آئی ٹی کی وزارت کی پالیسیوں کی بدولت آئی ٹی کی برآمدات میں ریکارڈبتیس فیصد اضافہ ہوا ہے۔