انفارمیشن ٹیکنالوجی اورٹیلی مواصلات کے نگران وزیر ڈاکٹر عمر سیف نے آج کے ڈیجیٹل دور میں بچوں کے لئے محفوظ آن لائن ماحول فراہم کرنے کی ضرورت پر زور دیا ہے۔

وہ اسلام آباد میں بچوں کو انٹرنیٹ کے خطرات سے بچانے کے حوالے سے منعقدہ تقریب سے خطاب کر رہے تھے۔

ڈاکٹر عمر سیف نے کہا کہ یہ معاشرے کی اجتماعی ذمہ داری ہے کہ وہ بچوں کے لئے ایک محفوظ آن لائن ماحول قائم کرے اور انٹرنیٹ کے محفوظ استعمال کے بارے میں ان کی رہنمائی اورمدد کرے۔

اس موقع پر چیئرمین پاکستان ٹیلی کمیونیکیشن اتھارٹی حفیظ الرحمان نے پی ٹی اے کی جانب سے محفوظ آن لائن ماحول کو فروغ دینے کے عزم کا اعادہ کیا جس کے تحت قوم کے نوجوانوں اور بچوں کی حفاظت یقینی بنائی جائے گی۔