چیف جسٹس عمر عطاء بندیال کی سربراہی میں سپریم کورٹ کے تین رکنی بینچ نے پنجاب کے انتخابات سے متعلق الیکشن کمیشن کی درخواست پر سماعت غیر معینہ مدت کیلئے ملتوی کر دی ہے۔
سماعت کے آغاز پر اٹارنی جنرل نے عدالت عظمیٰ کو بتایا کہ سپریم کورٹ (فیصلوں اور احکامات پر نظرثانی) بل مجریہ 2023 قانون بن گیا ہے اور نئے قانون کے مطابق نظرثانی اور اپیل کا دائرہ کار یکساں ہے۔
اٹارنی جنرل نے کہا کہ نظرثانی صرف لارجر بینچ ہی سن سکتا ہے۔ انہوں نے مقدمے کی سماعت کرنے والے تین رکنی بینچ پر اعتراضات اٹھائے۔