سندھ حکومت نے مٹیاری اور جام شورو کے اضلاع میں چونتیس ہزار ایکڑ رقبے پر جنگلات لگانے کا فیصلہ کیا ہے تاکہ ماحولیاتی مسائل سے نمٹا جا سکے۔
یہ فیصلہ آج(پیر) کراچی میں وزیراعلیٰ سندھ مراد علی شاہ کی صدارت میں سرکاری و نجی شراکت داری بورڈ کے پینتالیسویں اجلاس کے دوران کیا گیا۔
اجلاس میں شہید بے نظیر آباد، دادو، نوشہرو فیروز، جام شورو، خیر پور، لاڑکانہ اور سکھر کے اضلاع میں اٹھاسی ہزار ایکڑ رقبے پر جنگلات کی بحالی کا بھی فیصلہ کیا گیا۔
