پنجاب حکومت نے آج سے صوبہ بھر میں پلاسٹک کے تھیلوں کے استعمال، پیداوار اور خریدوفروخت پر پابندی عائد کردی ہے۔
پنجاب کی وزیر اعلیٰ مریم نواز شریف نے ماحول کے عالمی دن پر اپنے پیغام میں یہ اعلان کیا۔
انہوں نے کہا کہ پلاسٹک کے تھیلوں پر پابندی پر ہوٹلوں، ریستورانوں اور کھانے پینے کے مراکز میں خاص طور پر سختی سے عملدرآمد کیا جائے گا۔
وزیر اعلیٰ نے پلاسٹک کے استعمال کے ماحول اور انسانی صحت پر مضر اثرات کو بھی اجاگر کیا اور کہا کہ پلاسٹک سے انکار کے عنوان سے مہم کا مقصد ماحولیاتی آلودگی میں کمی اور ماحول دوست اقدامات کو فروغ دینا ہے۔