وزیر اعظم شہباز شریف نے ژوب ضلع میں فرنٹیئر کور کی پوسٹ پر دہشت گردوں کے حملے کو ناکام بنانے پر سیکیورٹی فورسز کی تعریف کی ہے۔
اپنے ایک بیان میں، وزیر اعظم نے اس حملے میں ملوث دو دہشت گردوں کو ہلاک کرنے پر سیکیورٹی فورسز کی تعریف کی۔
حوالدار جمشیر خان کی شہادت پر گہرے دکھ کا اظہار کرتے ہوئے، انہوں نے سوگوار خاندان کے ساتھ ہمدردی کی اور مرحوم کی روح کے لیے جنت میں اعلیٰ مقام کی دعا کی۔
شہباز شریف نے کہا کہ سیکیورٹی فورسز دہشت گردی کے خلاف مضبوطی سے کھڑی ہیں اور دوہرایا کہ دہشت گردی کے خلاف لڑائی اس عفریت کے مکمل خاتمے تک جاری رہے گی۔
