عالمی ادارہ صحت نے خبردار کیا ہے کہ بھارت میں کورونا وائرس کی نئی قسم اندازوں سے کہیں زیادہ متعدی اور خطرناک ثابت ہورہی ہے ۔عالمی ادارہ صحت کے چیف سائنسدان سومیا سوامی ناتھن نے جنیوا میں صحافیوں کو بتایاکہ بھارت میں نئی قسم کاکورونا وائرس جوپہلی مرتبہ گزشتہ اکتوبر میں سامنے آیا، ابتدائی قسم کے وائرس سے زیادہ آسانی سے لوگوں میں منتقل ہورہا ہے اوراس بات کا بھی امکان کم ہے کہ ویکسین سے اس کے خلاف کچھ مزاحمت پیدا ہو ۔