سکیورٹی فورسز نے دہشت گردوں کے خلاف آپریشن کامیابی سے مکمل کرکے جعفر ایکسپریس کے تمام مسافروں کو بازیاب کرالیا۔ 

سکیورٹی ذرائع کے مطابق اس دہشت گردانہ حملے میں سکیورٹی فورسز کے ہاتھوں 33 دہشت گرد مارے گئے جن میں خودکش حملہ آور بھی شامل ہیں۔

ہلاک دہشتگردوں نے معصوم خواتین اور بچوں کو انسانی ڈھال کے طور پر استعمال کیا، کلیئرنس آپریشن کے دوران انتہائی مہارت اور احتیاط کا مظاہرہ کیا گیا تاکہ معصوم جانیں بچائی جاسکیں۔

کلیئرنس آپریشن کی ویڈیو میں دیکھا جاسکتا ہے کہ دہشتگردوں نے یرغمال مسافروں کو مختلف ٹولیوں میں تقسیم کررکھا تھا،پاک فوج کے جوانوں نے اپنی مہارت سے ایک بھی خود کش بمبار کو پھٹنے کا موقع نہیں دیا۔

دہشتگردی کیخلاف جنگ میں پاک فوج نے ایک بار پھر ثابت کیا کہ وہ کسی بھی حملہ کا منہ توڑ جواب دینے کی صلاحیت رکھتی ہے