افغانستان کے صدر اشرف غنی نے طالبان پر زور دیا ہے کہ وہ رمضان المبارک کے دوران لڑائی بند کریں اور جنگ بندی کی پاسداری کریں۔رمضان المبارک کے آغاز پر اپنے پیغام میں اشرف غنی نے طالبان کے گروپ سے کہا کہ وہ گفتگو کی بجائے عملی طور پر امن کے حصول کیلئے اپنی رضا مندی ثابت کریں۔ادھر اقوام متحدہ، کینیڈا اور انٹرنیشنل یونین فار مسلم سکالرز نے اپنے الگ الگ پیغامات میں طالبان سمیت متحارب فریقین پر زور دیا کہ وہ رمضان المبارک کے دوران معاہدے کی پاسداری کریں۔