اقوام متحدہ کی سلامتی کونسل ایران کی طرف سے اسرائیل پرجوابی ڈرون اور میزائل حملے کے بعد آج رات ایک ہنگامی اجلاس منعقد کررہی ہے ۔اقوام متحدہ کی سلامتی کونسل کے صدر کے ایک ترجمان نے کہاکہ تمام پندرہ ارکان مشرق وسطی کی صورتحال کاسنجیدگی سے جائزہ لیںگے ۔ادھر اقوام متحدہ کے سیکرٹری جنرل انتونیو گوتریس نے کہا ہے کہ وہ پورے خطے میں بڑھتی ہوئی کشیدگی کے باعث تباہی کے ممکنہ خطرے سے بخوبی آگاہ ہیں۔انہوں نے تمام فریقوں پرزوردیا کہ وہ مشرق وسطی میں کئی محاذوں پر فوجی تنازعوں کا سبب بننے والے اقدام سے گریزکرنے کیلئے زیادہ سے زیادہ تحمل کامظاہرہ کریں۔