Friday, 29 March 2024, 02:18:42 am
وزیراعظم نے پٹرولیم مصنوعات کی قیمتیں بڑھانے کی اوگرا کی تجویز مسترد کر دی
February 15, 2021

وزیراعظم عمران خان نے عوام کوریلیف فراہم کرنے کی غرض سے پٹرولیم مصنوعات کی قیمتیں بڑھانے کی اوگرا کی تجویز مسترد کر دی ہے۔

وزیراعظم آفس سے جاری ایک بیان کے مطابق اوگرا نے پٹرول کی قیمت میں14 روپے سات پیسے فی لیٹر' ہائی سپیڈ ڈیزل کی قیمت میں13 روپے61 پیسے فی لیٹر' مٹی کے تیل کی قیمت میں دس روپے79 پیسے فی لیٹر اور لائٹ ڈیزل کی قیمت میں سات روپے43 پیسے فی لیٹر اضافے کی تجویز دی تھی۔وزیراعظم نے کہا ہے کہ حکومت عوام کی فلاح و بہبود کے لئے کسی بھی حد تک جائے گی۔