کُل جماعتی حریت کانفرنس کے غیر قانونی طور پر نظر بند سینئر رہنما نعیم احمد خان نے کہا ہے کہ بھارت مقبوضہ جموں و کشمیر میں انسانیت کے خلاف سنگین جرائم کر رہا ہے۔

کشمیرمیڈیاسروس کے مطابق نعیم احمد خان نے آج رواداری کے عالمی دن کے موقع پر نئی دہلی کی بدنام زمانہ تہاڑ جیل سے اپنے ایک پیغام میں عالمی برادری پر زور دیا کہ وہ تنازع کشمیر کے حل کیلئے بھارتی حکومت پر دبائو ڈالے۔

انہوں نے کہا کہ مودی کی قیادت میںبھارتیہ جنتا پارٹی کی حکومت نے نہتے کشمیریوں کے حق خودارادیت کے حق پر مبنی مطالبہ کرنے پر ان کے خلاف جنگ چھیڑ رکھی ہے۔